TAARIFA YA UTEKELEZAJI MWAKA 2018: KATA YA MBURAHATI

Na VOINA MAGANDA

Jumuiya ya umoja wa wazazi ni chombo kinachoongozwa na chama cha Mapinduzi, imeundwa kwa mujibu wa katiba ya Chama Cha Mapinduzi, ya mwaka 1977 Toleo la mwaka 2012 sehemu ya nne ibara ya 129 (1c), 3,4, na 5.

Hii ni taarifa ya utendaji inayohusu utekelezaji wa ilani ya Chama Cha Mapinduzi katika Jumuiya ya wazazi pamoja na idara ya Elimu, Malezi na Mazingira kuanzia Januari mpaka Desemba 2018.

HISTORIA FUPI YA KATA YA MBURAHATI

Mburahati ni eneo la kiutawala ndani ya wilaya ya Ubungo lenye jumla ya wakazi 34,123 kulingana na sensa ya mwaka 2012 japo kuna kadirio la ongezeko la watu kwa asilimia 5%.

Mburahati ni moja ya kata 14 zinazopatikana katika wilaya ya Ubungo yenye ukubwa wa kilimita za mraba 1.3, pia ina serikali za mtaa tatu ambazo zote ipo chini ya Chama Cha Mapinduzi. Mitaa hiyo ni:

1.     Serikali ya mtaa Barafu (ina matawi mawili la Barafu na Darajani)

2.     Serikali ya mtaa NHC

3.     Serikali ya mtaa Kisiwani.

MIPAKA

Kigeografia Kata yetu ya Mburahati iko Kama ifuatavyo:-

·        Kusini imepakana na Kata ya Kigogo (Manispaa ya Kinondoni)

·        Kaskazini imepakana na Kata ya Makulumla

·        Mashariki imepakana na Kata ya Mzimuni (Manispaa ya Kinondoni)

·        Magharibi imepakana na Kata ya Mabibo

UTAWALA WA JUMUIYA YA WAZAZI

UONGOZI WA KATA

1.      JOHN E. MAPUNDA – MWENYEKITI KATA

2.      SOPHIA KIROBOTO – KATIBU KATA

3.      CHARLES A. KYALAWA - EMMA

KAMATI YA UTEKELEZAJI KATA

1.       BAKARI AMIRI – MJUMBE MKUTANO MKUU MKOA

2.      FLORA LWAMBO – MJUMBE HALMASHAURI KUU KATA

3.      RAMADHANI KISHOKA – MJUMBE HALMASHAURI KUU KATA

4.      HUSNA JUMA – MJUMBE

5.      SALUMU WINDA – MJUMBE

6.      REHEMA MBARAKA – MJUMBE

7.      JUMA DADI -  MJUMBE, MWAKILISHI UVCCM

8.      AMINA YAKUBU – MJUMBE , MWAKILISHI UWT

9.      DOTTO MATHIAS -  MJUMBE

10.  CATHERINE PAUL- MJUMBE

UONGOZI WA MATAWI

Kata ya Mburahati ina matawi manne ambayo uongozi wake uko kama ifuatavyo:

a.     TAWI LA BARAFU

Kulikuwa na mapungufu kwenye Uongozi katika nafasi ya Katibu EMMA, kamati ya utekelezaji wajumbe 3 ambapo uchaguzi ulifanyika 19/12/2018 mpaka sasa nafasi hizo zimeshajazwa. Uongozi umekamilika kwa asilimia 100

b.    TAWI LA NHC

Uongozi umekamilika kwa asilimia 100

c.      TAWI LA KISIWANI

Uongozi umekamilika kwa asilimia 100

d.    TAWI LA DARAJANI

Uongozi umekamilika kwa asilimia 100

UHAI WA JUMUIYA

IDADI YA WANACHAMA KATIKA MATAWI

Jumuiya ya Wazazi katika kata ya Mburahati ina wanachama takribani 845, wanaume wakiwa 355 na wanawake 490.

Mchanganuo wa idadi ya wanachama katika matawi uko kama ifuatavyo:-

Jedwali I: IDADI YA WANACHAMA

NA	TAWI	IDADI YA WANACHAMA		JUMLA
		ME	KE
1	BARAFU	110	145	225
2	NHC	110	190	300
3	KISIWANI	55	95	150
4	DARAJANI	80	60	140
JUMLA		355	490	845

VIKAO KATA NA MATAWI

Jedwali II: viko vya Kata

AINA YA KIKAO	VIKAO VYA KIKANUNI	VIKAO MAALUM	VIKAO VYA DHARURA
KAMATI TENDAJI	3	2	1
KAMATI YA UTEKELEZAJI	3	2	1
BARAZA	2	-	-
MKUTANO MKUU	1	1	-

Jedwali III: Vikao vya Matawi

TAWI	KAMATI TENDAJI	KAMATI YA UTEKELEZAJI	MKUTANO WA WANACHAMA WOTE	MKUTANO MKUU
BARAFU	3	3	2	1
NHC	4	4	2	1
KISIWANI	4	4	2	-
DARAJANI	3	3	2	1

MPANGO KAZI 2017 – 2022

1.     Umoja wa wazazi Kata ya Mburahati unajua kuwa mwaka 2019 na 2020 kuwa ni miaka ya uchaguzi, 2019 Serikali za Mitaa 2020 uchaguzi mkuu wa Rais, wabunge na madiwani, hivyo basi umoja wa wazazi utashirikiana kikamilifu na viongozi wake wote wa matawi, Chama na Jumuiya nyingine za UVCCM na UWT, Kuhamasisha wananchi hasa wana CCM kushinda chaguzi zote hizo. Lengo la CCM ni kushika dola katika ngazi zote.

2.     Jumuiya ya Wazazi imedhamiria kuhakikisha Chama chake cha wananchi cha kuweka na kukupo kinakuwa na kufungua matawi ndani ya wilaya ya Ubungo na hatimaye mkoa wote. Kwani ni faraja kufikia hatua ya kuhudumia mkoa huu wa Dar es Salaam ili kukuza mitaji ya wajasiamali kutoka katika hatua waliyopo kuwa wajasiliamali wa kati.

Ili kufanikisha hilo tutahakikisha semina za mara kwa mara zinatolewa na Benki na wataalamu wa Biashara ili kuwajengea uwezo katika utumiaji wa mikopo watakayokuwa wanachukua na hatimaye waweze kuweka akiba.

3.     Ili kutuweka pamoja tutatumia matamasha ya michezo na ligi za kata ili wanachama na wananchi wa Mburahati tuongee lugha moja, maana michezo ni afya, furaha pia hujenga mahusiano ushirikiano baina na mtu na mtu.

4.     Kushirikiana na viongozi wa kata zingine kuanzisha mfuko wa Elimu ya Ufundi ambao utasaidia kupambana na tatizo zima la ajira kwa vijana wetu badala ya kusubiria kuajiliwa. Maana ujuzi pekee ndio nyenzo kuu ya kuwa na viwanda vidogo vidogo katika jamii zetu.

IDARA YA ELIMU, MALEZI, MAZINGIRA NA UCHUMI

1.     Elimu

Kata ya Mburahati ina shule za awali, msingi na sekondari.

Shule za awali

Shule za awali ziko 19 lakini katika hizo iliyosajiliwa ni shule moja tu. Zingine hazijasajiliwa japo zinapokea watoto kutokana na kutokuwa na sifa za kusajiliwa kama shule za awali japo zinatoa huduma za shule za awali tofauti na taratibu za wizara ya Elimu na mafunzo ya ufundi, kwa hadhi zinastahili kuwa vituo vya malezi ya watoto.

Shule za msingi

Shule za msingi ziko tano (5) ambapo shule nne (4) ni za serikali na shule moja (1) ni ya binafsi.

Mwaka 2018 Kata ya Mburahati imeshuka kwa asilimia 5.189 ya waliofaulu kwenda sekondari kuliko mwaka uliopita. Ambapo mwaka 2017 ufaulu ulikuwa 85.468% wa waliondikishwa kufanya mtihani.

Hata hivyo idadi ya watahiniwa imeongezeka kwa asilimia 9.127% ambayo ni sawa na wanafunzi 50 kwa mwaka huu.

Jedwali IV: SHULE, IDADI YA WATAHINIWA, WALIOFAULU NA WALIOSHINDWA 2018

NA	SHULE	WALIOANDIKISHWA	WALIOTAHINIWA	WALIOFAULU	SAWA NA ASILIMIA %
1	Mburahati	194	194	131	69%
2	Barafu	141	141	118	84
3	Bryceson	164	164	144	88
4	Muungano	57	55	49	86
5	A.H Mwinyi	19	19	18	95
		575	573	460	80.279

Jedwali V: SHULE, IDADI YA WATAHINIWA, WALIOFAULU NA WALIOSHINDWA 2017

NA	SHULE	WALIOANDIKISHWA	WALIOTAHINIWA	WALIOFAULU	SAWA NA ASILIMIA %
1	Mburahati	202	202	149	73.762
2	Barafu	95	95	95	100
3	Bryceson	122	122	108	88.524
4	Muungano	73	73	65	89.041
5	A.H Mwinyi	31	31	30	96.774
		523	523	447	85.468

Shule za sekondari

Shule za sekondari zilizopo katika kata ya Mburahati ni moja tu ya serikali.

Katika hali inayoumiza shule za serikali zimekuwa na matokeo mabaya sana kuliko shule ya binafsi maana zimezalisha zero nyingi kuliko waliofaulu kama inavyoonekana katika jedwali kwa miaka miwili mfululizo.

Jedwali VI : SHULE ZA SEKONDARI NA MATOKEO YA 2016/2017

NA	SHULE	2016	2017	ANGALIZO
1	Mburahati S4480	DIV I- 0 DIV II- 06 DIV III- 15 DIV IV- 38 DIV O- 97	DIV I- 2 DIV II- 4 DIV III- 22 DIV IV- 91 DIV O- 73	JAPO ZIRO ZIMEPUNGUA LAKINI BADO HALI NI MBAYA SANA

Library:

Tumefanikiwa kuwa na library moja katika kata yetu ambayo hata hivyo vitabu vilivyomo havitoshelezi mahitaji ya walengwa na kusababisha itumike na watu wachache.

2.     Afya:

Kata ya Mburahati haina Hospitali hata moja, kuna Zahanati nne (4) zinazomilikiwa na watu binafsi na kituo cha afya kimoja cha serikali na maabara tatu zote za watu binafsi.

Aidha kuna jumla ya maduka ya dawa mawili (2) ambayo yamesajiliwa na yamekidhi vigezo. Japo kuna maduka ya dawa mengi katika maeneo yetu lakini ni jambo la kusikitisha kuwa hayana usajili wa mamlaka zinazohusika.

Idara ya afya kwa kushirikiana na idara ya Elimu, ilifanikiwa katika zoezi la utoaji wa chanjo za magonjwa yasiyopewa kipaumbele kama Usubi, minyoo ya tumbo, ngirimaji, matende, na kichocho kwa wanafunzi wa shule za msingi za serikali na binafsi.

Zoezi hilo limerudiwa mwezi huu tokea Jumamosi ya tarehe 15-20 katika ofisi za Serikali ya mtaa. Pamoja na changamoto ndogo ndogo zilizojitokeza wakati wa utekelezaji wa zoezi hilo waliweza kufanikiwa kuzitatua.

Bima ya Afya

Wazee 357 wamepewa kadi za bima ya Afya na 49 wamejiandikisha katika Bima ya afya kupitia serikali za mtaa wanaoishi ili kupata huduma ya matibabu na kufanya jumla ya wazee 406 walioandikishwa.

Hata hivyo jumuiya ya wazazi tunaendelea kuwasisitiza wazee wajiandikishe ili wapate huduma ya matibabu inayotolewa na serikali kwa ajili yao.

3.     Mazingira

Mitaa yote ina mkandarasi wa uzoaji taka aliepitishwa katika vikao vya serikali ya mtaa na wastani wa taka ambazo zimeondolewa mpaka sasa ni zaidi ya tani 4660. Maeneo mengine yanasafishwa na wananchi wenyewe hasa wafanyabiashara ambapo siku ya jumamosi ni siku ya usafi wa jumla.

Pamoja na hayo lakini bado usafi umekuwa ni changamoto katika maeneo ya skwata, ikichangiwa sana na tabia halisi za wakazi ambao hawajali namna za kutunza taka, baadhi hutupa taka njiani.

Miundombinu ya barabara pia imeleta shida kwa baadhi ya maeneo na kusababisha magari makubwa ya taka kushindwa kufika hivyo kufanya zoezi la uzoaji taka kusua sua.

Upandaji miti

Ili kuboresha mazingira yetu miti 11 ilipandwa ambapo miti saba (7) ni ya matunda na miti minne (4) ya kivuli mpaka sasa iliyohai ni miti tisa (9) tu.

4.     Uchumi

Mnamo februari 20, 2018 Jumuiya wa wazazi kata ya Mburahati ilifanikiwa kuanzisha chama cha akiba na mikopo “WAZAZI MBURAHATI SACCOS” ambacho kinasimamiwa na kuongozwa na Jumuiya ya Wazazi ya Mburahati. Haikuwa kazi rahisi katika kulifanikisha hili. Ni juhudi za wanachama, Uongozi wa Mkoa, Wilaya pamoja na jumuiya ambazo zilileta matokeo chanya.

Uzinduzi ulifanywa na Mwenyekiti wa Jumuiya ya Wazazi Mkoa Komredi Frank Kamugisha.

Hapo kabla Jumuiya haikuwa na mradi wowote wa kuifanya jumuiya ijiendeshe kiuchumi na kufanya viongozi wagharamie wenyewe shughuli zote zitokanazo na jumuiya.

  

Mikopo

Mpaka sasa SACCOS imefanikiwa kuwa na wanachama 205, lakini walio hai ni 119 na mmoja amejitoa kulingana na sababu ya kutokidhi vigezo tulivyoviitaji.

Chama bado hakijaanza kutoa mikopo maana hakuna mwanachana aliyefikia sifa za kupata mkopo.

Baadhi ya sifa ni kuwa na Hisa 5 na kuendelea, kuweka akiba 30% ya mkopo utakaoomba na kuwa mkazi wa wilaya ya Ubungo, japo ni kusudio letu kuhudumia mkoa mzima lakini tuliona ni busara kuanza na wilaya ya Ubungo kwanza mpaka mtaji utakapokua.

Uongozi wa SACCOS umeanza mazungumzo na Banki ya Posta ili kupata fedha za kukopesha wananchi na benki imetutaka kuhamasisha wananchi wajiunge kwenye vikundi vya ujasiriamali, wajisajili kwenye SACCOS ili wapatiwe elimu ya biashara kabla ya kupewa mikopo. Mchakato huo umeshaanza.

Tukumbuke kwamba SACCOS imeanzishwa na Jumuiya ya Wazazi lakini inasimamiwa na sheria za fedha za Tanzania chini ya vyama vya Ushirika kwa muongozo wa Banki kuu.

Kwenye mikopo ya Manispaa vikundi 63 vimesajiliwa kutoka katika mitaa mitatu ambayo ni Barafu vikundi 14, kisiwani 12, NHC 37. Mpaka sasa ni vikundi 35 vilivyojaza fomu za kuomba mikopo na zilizorudishwa ni fomu 22 tu na vikundi 19 ndivyo vilivyopendekezwa kupewa mikopo katika awamu ya kwanza, jumla ya Tshs 125,000,000/= inatarajiwa kukopeshwa kwa wanachama 283 wa vikundi hivyo.

Bado elimu ya mikopo inaendelea kutolewa na maafisa toka benki husika ili kuwajengea uwezo wakopaji wa pesa hizo.

Shughuli zingine:

1.     Machi 24, uongozi na wanachama wa jumuiya ya wazazi waliadhimisha wiki ya wazazi kwa kutembelea zahanati ya kata ya Mburahati kwa kufanya usafi maeneo yanayoizunguka zahanati hiyo.

Siku hiyo viongozi mbalimbali wa wilaya na kata walishiriki zoezi hilo wakiongozwa na Mh. Diwani wa kata ya Mburahati, mwenyekiti wa wazazi wilaya, katibu wa EMMA wilaya, viongozi wa chama Mburahati, na wanachama wa chama cha Mapinduzi.

2.     Agusti 2018 jumuiya ya wazazi ikishirikiana na Bodi ya WAZAZI MBURAHATI SACCOS waliandaa ligi ya mpira wa miguu ikishirikisha vijana wa mitaa yote mitatu lengo likiwa ni kuitangaza jumuiya ya wazazi na SACCOS, huku wakiwa na kauli mbiu ya SIASA NA UCHUMI. Mgeni rasmi alikuwa mkuu wa wilaya Kisale Makoli.

Ligi ilichezwa kwa muda wa wiki mbili, mbali na lengo kuu, pia tulikusudia kuundwa kwa timu ya kata ambayo itakuwa inashiriki michuano katika ngazi ya wilaya.

3.     Jumuiya ya wazazi imekusudia kutembelea kituo cha watoto wenye mahitaji na kuwapa zawadi siku ya tarehe 29/12/2019. Kupanda miti katika zahanati ya Mburahati ili kufanya mazingira ya kata yetu kuboreka zaidi.

Mafanikio

1.     Elimu imeendelea kutolewa bila malipo kwa kufanya ongezeko la wanafunzi kuwa kubwa zaidi ya idadi iliyotarajiwa hiyo yote imetokana na dhamira ya kweli ya serikali kuu kuhakikisha kila mtoto wa Mtanzania anapata haki ya kikatiba ya kupata elimu bila kikwazo chochote.  “ELIMU BURE”.

2.     Huduma ya Msamaha wa matibabu kwa wazee haijabagua itikakadi wala dini kwa wanufaika

3.     Tumefanikiwa kusajili na kuzindua na chama cha wananchi cha kuweka na kukopa (saccos).

4.     Kuendesha ligi ya kata na kutoa zawadi ya Jezi seti mbili na mipira saba, tshirt za jumuiya ya wazazi na zenye maandishi ya SACCOS na kauli mbiu “michezo na uchumi” ili kuhamasisha vijana na wananchi.

5.     Kupanda miti ya kivuli na matunda

6.     Kushiriki katika usafi wa mazingira na wanachi wengine Jumuiya ya wazazi

7.     Kata ya Mburahati ilishiriki kikamilifu kuhakikisha Chama cha Mapinduzi kinashinda kwenye chaguzi za marudio zilizofanyika jimbo la Kinondoni na Ukonga.

Changamoto

Elimu

1.     Watoto kulelewa na mzazi mmoja

2.     Utoro kwa wanafunzi

3.     Uzembe na uvivu wa wazazi kufuatilia maendeleo ya mtoto kitaaluma

4.     Wingi wa wanafunzi darasani

5.     Upungufu wa walimu wa sayansi na hisabati

6.     Upungufu wa vitabu

7.     Upungufu wa vyumba vya madarasa na nyumba za walimu

8.     Uchakavu wa majengo na paa (shule za msingi)

9.     Baadhi ya wanafunzi kumiliki simu na hata kwenda nazo         shule hasa wanafunzi wa sekondari

Mfano:

Taarifa za mwanafunzi wa kidato cha pili shule ya          sekondari Mburahati, kutofika shule na badala yake kwenda kwenye mageto ya vijana. Mzazi naligundua hilo lakini hakutoa taarifa Polisi.

Afya

1.     Mpaka kufikia tarehe 17/12/2018 zaidi ya wazee 49 hawajachukua kadi zao za msamaha wa matibabu katika ofisi za Afisa mtendaji jambo ambalo linaweza kutafsiriwa kuwa linatokana na mawasiliano duni kati ya viongozi wenye dhamana na wananchi.

2.     Huduma ya afya haitoshelezi idadi ya watu waliopo katika kata ya Mburahati, hivyo hitaji la hospital na vituo vya afya ni kubwa

3.     Bado kuna malalamiko kuhusu ufuatiliaji wenye nyumba wasiojengea mashimo ya choo, na kutiririsha maji machafu ambayo ni hatari na yanaweza kusababisha magonjwa ya mlipuko.

4.     Idadi ya maduka ya dawa ni mengi lakini yaliyosajiliwa ni mawili hivyo kuhatarisha afya za wakazi wa eneo hili.

Uchumi

1.     Mitaji duni ya wafanyabiashara wengi huchangia biashara zao kufa

2.     Uelewa duni  wa utafutaji masoko na elimu ya biashara kwa ujumla linachangia kuzorota kwa uchumi wa familia

Utawala

1.     Matatizo tuliyonayo katika Kata yetu kutokuwa na Ofisi ya kujitegemea ya Kata hata matawi kama jumuiya.

Mapendekezo:

1.     Ili kutatua na kumudu kushughulikia kero ni lazima maafisa wa serikali wawe na utayari na uelewa wa sheria zinazolinda haki ya mtoto katika jamii ili kutoyafumbia macho maovu kwa kisingizio cha kukosa ushirikiano wa wazazi na jamii, maana sheria iko wazi kuhusu uwajibishwaji kwa mtuhumiwa mara anapobainika kuwa na kosa.

2.     Ni muhimu kwa viongozi wa chama ambao tunaisimamia serikali katika utekelezaji wa ilani kuwa mstari wa mbele kukemea na kuhakikisha sheria inafuata mkondo wake huku tukihamasisha wananchi kufuatilia haki zao za msingi kuliko kulalamika.

3.     Wazazi Mburahati Saccos iangaliwe kwa jicho la pekee, ili halmashauri ya Ubungo ifikirie kutumia Saccos hii kukopesha vikundi vya wananchi badala ya kupeleka kwenye mabenki, maana hatua hiyo itaziwezesha saccos kuwa na uwezo zaidi.

4.     Chama cha Mapinduzi ikumbuke kutoa asilimia kwa jumuiya ya wazazi maana tuna mradi wa mnara Barafu, mradi wa kukodisha fremu na kuna uwekezaji wa jengo na sheli ya mafuta ambapo mapato yake yanalipwa lakini jumuiya hii imesahaulika na kuifanya ijiendeshe kwa kujichangisha.

MALENGO

1.     Jumuiya ya wazazi kwa kushirikiana na viongozi wa kata zingine imekusudia kuwa na mfuko wa Elimu ambao utanufaisha vijana waliohitimu elimu ya sekondari na kushindwa kujiendeleza katika chuo cha ufundi VETA

2.     Kuunganisha wanachama na Saccos ya Mburahati na hatimaye kuwa na matawi ili kujenga umoja baina ya Jumuiya za wazazi kata na kata, hatimaye wilaya, na mkoa.

3.     Kuanzisha ligi ya mpira wa miguu ambayo itajumuisha jumuiya ya wazazi ya kata zingine ndani ya wilaya ya Ubungo ikiwa na lengo la kutuweka wana CCM pamoja na kufahamiana.

HITIMISHO: Mungu isaidie Kata ya Mburahati na kazi za mikono yetu. IMETHIBITISHWA NA KAMATI YA UTEKELEZAJI YA BARAZA KUU LA WAZAZI KATA YA MBURAHATI