DIWANI MANOTA ATOBOA SIRI YA KUNOGA KWAKE

Na Voina Maganda

DIWANI wa kata Kimara, wilaya ya Ubungo (Jana) Paschal Manota atamba kunoga baada ya kujiunga Chama cha Mapinduzi leo katika ziara ya kamati ya siasa na sekretarieti ya kata katika mashina manne ya tawi la Mavurunza.

DIWANI WA KATA YA KIMARA PASCHAL MANOTA WA PILI KUSHOTO AKIWA NA VIONGOZI WA KATA NA TAWI LA MAVURUNZA (SWEDY MAKOYE)

Akiongea kwa mbwembwe alisema "siku hizi imekuwa ada kila anapopita anaambiwa na wananchi kuwa kanoga yaani anang'aa na kupendeza nami huwa nawajibu niko mahali salama ambako hakuna stress aka (free stress zone)".

Ukiwa upinzani unakosa ufahamu hata sielewi ni jambo gani huwa linatukumba maana kazi ni kupinga tu kila kitu bila kujali unachopinga, unakuwa na upofu fulani na unalazimika kujitoa ufahamu, aliongeza Manota.

Hata hivyo Manota hakusita kushukuru wanachama na viongozi kwa ushirikiano na mapokezi mazuri anayopata na hali hiyo imemfanya kuwa na amani.

Manota ni mmoja wa madiwani wa nne waliopo Ubungo kwa tiketi ya CCM.